Qazaqstanda ınternet paıdalanýshylar sany 12 mıllıonǵa jetti. Bul týraly búgin Birikken Ulttar Uıymynyń Global e-Government Forum-2014 forýmy barysynda QR Investısıalar jáne damý mınıstri Áset Isekeshev málim etti.

«Úkimet halqymyzdyń kompúterlik saýattylyǵyn arttyrý úshin belsendi jumystar júrgizýde. Qazirgi ýaqytta halyq arasyndaǵy kompúterlik saýattylyq deńgeıi shamamen 63 paıyzǵa jetip otyr. Internet paıdalanýshylar sany 12 mıllıonǵa jetti, bul halyqtyń 70 paıyzyn quraıdy», - degen Á.Isekeshev óz sózinde.

QazAqparat jazǵandaı,  Isekeshev sandyq televıdenıemen halyqty qamtý kórsetkishi 51 paıyzǵa jetip otyrǵanyn aıtqan. Al jyl sońyna deıin bul kórsetkishti 72 paıyzǵa jetkizý josparlanǵan. 2 jyldyń ishinde halyqty sandyq televıdenıemen qamtý kórsetkishin de 95 paıyzǵa jetkizý qolǵa alynǵan.

Qamshy-aqparat